للاذكياء فقط ادخلو وحاولوا

**************

إيه هو عكس تلميذات؟
> Don't tell me that

**************

ليه التعلب تخين؟
> علشان التعلب Fat fat

***************

تعرف تقول لي فرقين بين الليمون والزيتون؟
> 1- فيه لموناتة وما فيش زاتوناتة .
> 2- تقدر تقول الناس لاموني لكن ما تقدرش تقول الناس زاتوني.

**************

طب تعرف تقول 9 فروق بين البطة والوزة؟
> 1.. تقدر تحلق شعرك زلبطة لكن ما تقدرش تحلقه زلوزة.
> 2. في رحاله اسمه ابن بطوطة لكن مافيش رحاله اسمه ابن وزوزة .
> 3. تقدر تبلبط في البحر لكن ما تقدرش تبلوز فيه .
> 4. كلنا بنتغطى في الشتاء ببطانية لكن ما بنتغطاش بوزانية.
> 5. الوزة كانت زمان بطة لكن الشيطان وزها .
> 6. في شخصية كرتونية اسمها بطوط لكن مفيش وزوز.
> 7. لعيب الكورة ممكن يبطل لعب لكن مش ممكن يوزل لعب.
> 8. في طائر اسمه بطريق بس مفيش طائر اسمه وزريق .
> 9. اما تقع ممكن تتبط بس مش ممكن تتوز .

****************

طب تعرف تقوللي 5 فروق بين الفيل والنملة؟
> 1- رجل الفيل ممكن تنمل لكن رجل النمله مش ممكن تفيل
> 2- البيت ممكن يبقى فيه نملية لكن مش ممكن يبقى فيه فيلية .
> 3- تقدر تاكل سمك فيليه لكن مش ممكن تاكل سمك نمليه.
> 4- كل واحد له بروفيل لكن مالوش برونمله .
> 5- You can feel but you cannot namla

**************

-إيه عكس زمان؟
> THE WOMAN

**************

وليه الكتكوت ما بيعرفش يكذب على الفرخة؟
> علشان هيا اللي فقساه