من أبع ماقيل عن أم الدنيا

قالولى بتحب مصر .. قلت مش عارف
أصل المحبة بسيطة و مصر تركيبة
و مصر حلوة و مرة و شرحة و كئيبة
دانا اختصر منصب الشمس وأقول شمعة
ولا اختصر مصر وانده مصر يا حبيبة

(تميم البرغوثى ..... من قصيدة قالولى بتحوأنا ويا شمس المغيب بغيب وانتى بتشرقى
بتكدب الحقايق فى العالم الغريب وانتى بتصدقى
بحبك وحبك شهادة ميلاد
عيونك شواطى الأمل والميعاد
ولما تهز الرياح فى نخيلك
وتدمى الجراح
الجراح مواويلك
ميدبلش ضيك
ميخلصش زيت قنديلك
يغيب ياما قمرك
وتشرقى تانى فى ليلك
وانا ويا شمس المغيب بغيب وانتى بتشرقى
بتكدب الحقايق فى العالم الغريب وانتى بتصدقى
وانا حرف تايه فى اسمك
لون صغير فى رسمك
وانا خيط فى شمسك
فى همسك
فى بكرة اللى جاى قريب
وانا ويا شمس المغيب باغيب وانتى بتشرقى
بتكدب الحقايق فى العالم الغريب وانتى بتصدقى
يابلادى
يابلادى
يابلادي

(شمس المغيب للرائع ...عبد الرحيم منصور)
ب مصر

علي اسم مصر التاريخ يقدر يقول ما شاء
بحبها وهي مالكة الارض شرق وغرب
وبحبها وهي مرميه جريحة حرب
بحبها بعنف وبرقه وعلي استحياء
واكرهها وألعن ابوها بعشق زي الداء
وأسيبها وأطفش في درب وتبقي هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب