قصيده لمصر الحبيبه

تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط
*****
عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما حتى يا عالم نفوق
لقينا اللي لسه حناخده اتشفط
*****
أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد جرايد برامج يفط
*****
تؤكد بأن الحكومة بذكاء
و من حزمة واحدة قضت ع الغلاء
و لابد يبقى لدينا انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا منعرفش ليه
ماتلمح مكانا في مرة عينيه
و نقدر ندوق منه حتى نقط
*****
مادام كل حاجة تمام ع الورق
مفيش أي داعي عشان القلق
و لو مش مصدق خلاص اتفلق
ورقنا اللي صح وكلامك غلط
*****
و قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط
*****
اذا الشعب صدى بفعل البارومة
حتعمل حسابه ف ايه الحكومة
وهي اللي جاهزة بكرباج وشومة
عشان لوفي واحدفي عقله اتخبط
*****
تعيش مصر دايما في عز و جمال
يعيش الواطن شديد الاحتمال
و آمن تماما من الاشتعال
و أقصى ما عنده ينكت فقط


*****

أنا لاأتفق معكى فى هذا الكلام هذا الكلام مخالف نهائيا للحقيقة ونحن فى دعوة للجمعة والوحدة وأنتى بهذه الطريقة تسيئيين للحكومة وهو ما لا أحبه أبدا جل من لايخطىء ونحن فى دولة عظيمة وياريت تبصى لنص الكباية المليان زبلاش تبصى للنص الفاضى انتى فى دولة الكل يحكى ويتحاكى عنها أنتى فى مصر وما أدراكى ما معنى مصر انها الحضارة والتاريخ انها المجد والأصالة والحب والاحترام انها الصبر والعزيمة انها من قهرت العالم انها مصر مصر مصر

معلش يا هاجر اصل اسراء قالتلى حطيلى قصيده عن مصر وادتنى الباسورد بتاعها انا حطيت قصيده غلط

مشكورة قصيدة رائعة اسراء

لا عادى مش مهم بس ياريت نتوخى الحذر فى وضع المواضيع

معلش يا اسراء
انا نسيت وحطيت قصيده تانيه

ههههههههههه
للأسف ياجدعان انا الان أتفق تماما مع القصيدة ومع كل كلمة فيها
وألغى ردى السابق لأن الحكومة.........

بجدTrès bien