قصيدة أنا مصراوى وليا الشرف للشاعر أحمد فؤاد نجم

عندما كتب أحمد فؤاد نجم قصيدته عشان انت مصرى، استقبلها الكثير بالترحاب لأنها كانت تصف الواقع المأساوى الذى يعيشه المصريون فى هذه الأيام ..... ورغم تعبيرها الرائع عن هذا الواقع، إلا أنى كرهتها لأنه ختمها بقوله: "مش إنت اللى مصرى جتك القرف"، لأنى أعتقد أن العيب مش فى إننا مصريين بل العيب فى الظروف المحيطة وأنها مهما طال الزمن ستزول هذه الظروف ويعود لمصر وجهها الحقيقى ووزنها الحقيقى، وحقائق التاريخ كلها تؤيد ذلك فمهما طالت كبوة مصر لابد أن تعود لموقعها الريادى والحضارى،
لهذا أسعدتنى قصيدة نجم الجديدة : "أنا مصرى ابن مصرى وليا الشرف" وأحسست أنه يعتذر بها عن خاتمة قصيدته السابقة، مع استمراره فى وصف حال مصر فى عهدها الحالى
مع قصيدة نجم
وإليكم القصيده واللى بجد هىاقل وصف لها انها جامده.مش أقل من كده





أنا مصرى

أنا مصرى إبن مصرى وليا الشرف
برغم المهانة برغـــــــــــــــم القرف

برغم الزبالة اللى مالية الشــــــوارع
برغم الفســـــــــــاد اللى بيه أعترف

سمو معـــــــــــــــالى رئيس الوزارة
نتيجة موظف بسيـــــــــــــط أنحرف

برغم المجاعة اللى داخلين عليهــــــا
وفينا اللى عـــــــايش حياته فى ترف

برغم البطــــــــالة فى أوضة وصالة
برغم أن أخر جنيـــــــــــــه اتصرف

برغم طـــــــــــابور الصباح السخيف
وكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف

برغم إنى شايف بــــــــــلاوى وساكت
وعايش مطنش كـــــــــــــــــأنى كفيف

برغم وزارة رئيسهـــــــــــــــا حرامي
وشـوفوا البجاحـــــــــــــة يقولوا نظيف

برغم الســـــــــــلام اللى غرقت بناسها
برغم العيـــــــال اللى ساكنة الرصيف

برغم حكومة شعـــــــــــــارها الكلام
ورغم رئيســـــــــــــــــنا عليه السلام

ورغم أن كله يــــــــــــــا عالم بيغلى
إلا كرامتى بترخص قــــــــــــــــوام

برغــــــم إنى عايش في بلدى فريسة
ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى
فى عهد جنابه كـــــــــــــلام فوق رخام

برغم ده كله يــــــــــــا مصر بحبك
وطظ في ***هم ودا آخـــــــــر كلام





طبعا زى ما احنا شايفين ان اسلوبه جامد شويه , ولكن شعرة متميز جدا وجميل الملامح

طبعا فى مشاكل من اللى قدمهالنا الشاعر اتحلت ولكن انا برده بحترمه واحترم شعره

ودى من القصائد اللى عجبتنى أوى

مرسيى كتير ليكى الشعر فعلا اكثر من رائع

شكرا لك وجزاك الله خيرا وياريت لو تشاركينا الشعر

شكرا لك ياكريم

شكرا يا هاجر الشعر جميل جداااااااااااااااااااااا

شكرا لمرورك ياآية