مصر أم الدنيا ديَّا

مصر أم الدنيـــا ديـَّا ... هىَّ روحي ونـــور عينيَّــه
منها نِشرَب أحلىَ ميَّه ... فيها نيل مليان أمــــــــــل
ـــــــــــــــــ
جالها يوم كانت عظيمه ... في حضارتها القديمـــــه
كان لها في الدنيا قيمه ... بالعزيمـــه وبالعمــــــــــل
ــــــــــــــــــ
مرِّت الأيام عليهــــــــا ... إلسنين بتهـِّـد فيهــــــــــا
قطـَّعِت راسها وإيديهـــا ... وانتشر فيهـــا الكـَسَــــل
ـــــــــــــــــــ
بعد ما نسيِّت تاريخهـــا ... الغريب جه قام شاريخها
خد حضارتها ونسَخهــا ... سابنا نايمين واتعَــــــــدَل
ــــــــــــــــــــ
إتعَدَل أصبح فوقينـــا ... بعد ما اتفوَّق علينـــــــــــا
واندفننا احنا في طينه ... م الهَطـَل مش م الخـَجَـــل
ــــــــــــــــــــ
راح يقلـِّدهُم شبابنا ... جاب عادات مش بتناسِبنـــا
خلـَّىَ كل ايامنا مِحنــه .. والعِوِّج ما بينعَـــــــــــدَل
ـــــــــــــــــــ
جه علينا كتير فيران ... والقطط بقيِّت سِمــــــــــان
نخوَروُا جوه الحيطـــان ... واتسرقنا بالهَبَــــــــــــل
ـــــــــــــــــ
بس نيل مصر العظيم ... رغم إنه مش سليــــــــــم
بكره يرْجَع للقديـــم ... بعد ما يشيل الخـَــــــــــــلل
ـــــــــــــــــ
تِجري فيه حِكمــة زمان ... والأمان يرْجَـع أمـــان
نِفهَم الدرس اللي كــان ... واللي جاى هوَّ الأمـــل
************

شكرا يويو القصيدة روعة جدا تسلمى ياقمر

شكرا ياجوجو على المرور الجميل دى

مشكووورة يا قمر

شكرا اية